英國，漣騰，巖谷（2020年9月）

陳柏嘉 CAN Paak-gaa

而家響牛津大學讀緊東方研究博士，專攻兩漢經學史。博士論文可以用以下關鍵詞概括：中國經學；經典詮釋；學術史；《詩經》；師承關係；漢代。簡單講，議題圍繞漢代經學家派衍生史。香港中文大學中國語言及文學學士同碩士，之後去咗唔同大專做咗幾年講師，再嚟英倫。

沉迷古代中國文人世界，所以學寫詩、詞、書法、玩射箭（其實就西洋弓嚟）。返嚟現代，就鍾意創意寫作同埋射擊運動，例如氣手槍射擊。亦都鍾意煮嘢食、睇戲、讀文學、去旅行。周成刀無張利，但如果有同好嘅，不妨交個朋友？面書專頁「He She Production 何許製品」擺咗啲手作成品。好鍾意寫作，呢個網都擺咗啲。

總括嚟講，呢個網（parkerchan.hk）收咗啲精選拙作同埋連去啲社交媒體帳號（擺咗響呢個網頁頂）同本業網頁（擺咗響「Links」）。

歡迎響社交帳聯繫，寄電郵又得：1@parkerchan.hk。

香港中文大學（2006年5月）

我屋企。記念響呢度學中文、放聲笑、返第一份正職、同錦鯉傾偈、創立（假）公司、教書、拍拖，同埋喊嘅日子。